coyotes-viajando

Cuba - La Habana

2007-06-13T11:55:00.001-07:00

Churzentschlosse haemer eus es Ticket kauft zum no s'letschte sozialkommunistische Land vo dem Planet choene z'bsueche. Im grosse und ganze haet sich das mega glont trotz dem dasses so tuer gsi isch. Mir haend i einere Wuche so vill Gaeld liggelah wie me oepe i eim Monet Mexico usgit und haend no muesse euse Flug um ei Wuche fuereverschiebe. Leider simer doch nume in La Habana blibe, hetet eus doch ae no es breiters Bild vo dem Land welle mache.. Gaeg de Schluss womer wuekli kae Gaeld me gha haend (de Helen iri Charte isch noed gange und mit US-Dollar verluert me zvill bim Waechsle) sind eus doch no so villi Luet fruendlicher wiis entgaege cho, susch hettemer noed mal richtig choene aesse det (-: und dass trotz dem mir doch eigetli Touris sind und riichi Seck i irne Auge...
Am Afang haemer eus eher usgschlosse vom ganze Gschehe und vom Volk gfuelt, lit waschinli ae dra dass dich im erste Momaent noed grad wie de besti Kolleg alueget und mir immer mitem Peso Convertible statt mite nationale Waehrig haend muesse zahle, was wider vill vill Gaeld us de Taesche zoge haet. Ufem Land usse waer das daenn sicher noed so extrem gsi.
Das ganze politische drum und dra haet scho sganze Volk und d'Mentalitaet praegt. Abgse vode negative Siite (zB daerfet d'Cubaner normalerwiis dInsle noed verlah) gits doch ae positivs. Es git sozaege kae Klasseunterschiid, alli sind zimli gliich dra, egal ob schwarz oder wiis oder Awalt oder Chindermeitli. Die finanziel Situation bide Cubaner isch scho eher schlaecht, wer noed d'Moedlichkeit haet mit Touris zschaffe (und noed mal daenn!) muess igenwie luege wiener ueber dRundi chunt, das Gaeld wo eim zur Verfuegig staht pro Monet langt meistens nur bis id Mitti. Drum hebet ae alli zaeme, Nachbare, Bekannti, Fruende, Familie, alli haelfet sich igenwie gaegesiitig wos choent.
Da alli Chinde zwungenermasse id Schuel gschickt werdet (und Cuba haet wuekli es guets Schuelsystem) gits fasch kae Analphabetismus, d'Rate isch uf 4% une, das isch die nidrigscht vom ganze Kontinaent Amerika!
Dezue chunt dass jede Cubaner gratis medizinischi Versorgig ha chan. Doch leider verdient en Arzt weniger als en Zigarredrueller ide Zigarrefabrik und es herrscht en grosse Lehrermangel.

Alfredo, Eddi & Helen, uf de Dachterasse vom Alfredo, nachere gmuetliche Teerundi und interessante Gspraech ueber dLaebenssituation in Cuba und und und...

Das ischs Gebaeude wos Museum vode Revolution drinn isch, ae sehr interessant.

Grad gaegenueber em Amerikanische Migrationsgebaeude wehet riisigi schwarzi Fahnene mit wiise Sterne im Wind und une ade Strass stoend abstandwiis Beamti. Genau die haend eus ae waegpfiffe wos gmerkt haend dass mer foetelet, anschiinend daerf me weder stah blibe no sich em Gebaeude naehere. Wemers Bild vergroessered gset me raechts oepe ide Mitti no ganz knapp de Hitlerchopf, ebe vo dem krasse Plakat, wo ide Schwiiz chum publiziert choent werde... /-:

Nume sones Biispil vo dene villne Propagandaplackat. "Das gibt's ja nicht! Sie haben einen Terroristen freigelassen"
Es anders raecht iifahrends Plackat isch gsi:
George W. Bush-Chopf + Cubanische Terroriste-Chopf (mir naemet mal schwaer a, dass da uf dem Plakat de gliich gmeint isch, wo ide USA wider frei cho isch) = Adolf Hitler-Chopf!!! Grad drue Hassbilder uf eimal...

E chliini Kapaelle gfoetelet us de Dachterasse vom Alfredo. Jaja die Cubaner sind scho lustigi Luet, weners Bild vergroessered gsender si vor de Kapaelle hocke und uewinke..
Wieder s'Capitolio zwuesche verfallene Gebaeude.

"Die Moral der Revolution ist so hoch wie die Sternen" Fidel

La Habana choent so vill schoener sii wenn me de alte Gebaeude chli me Sorg hebe wuerd!

s'Capitolio ide Nacht, leider noed so gueti Qualitaet...

In Miramar, es Stadtteil vo La Habana, haets fasch nume so Bonzehueser i dem Stil. Fascht alli sind jez verstaatlicht worde und meistens haet me si zu Botschafte iigrichtet. Vor de Revolution sind da alli riichi Cubaner gsi, wo aber daenn uebernacht gfluechtet sind id USA.
Scho mega schad dass villi vo dene Villene gar noed restauriert werded und aefach so vor sich zaemegheiet, halt genauso wie fascht ueberall idere Stadt...

Hey Andrina, Schonsi und Freaken, so gsend det d'Rikshas us, cool noed??

Churz vorem Abflug von Cancun nach La Habana...
Gset us als ob oepis braennt oder usgraeucheret wird, aber es isch nume dKlimaalag vo dem raecht alte sowjetische Flugzueg (-;

Ueberall Oldtimer wo z. T. no raecht improvisiert zaemegflickt sind.

So stellt me sich doch en typische Cubaner vor, noed?!

Kontrast zwuesche alt und neu, bide Gebaeude und de Autos.

Tulum

2007-06-13T11:39:00.001-07:00

Das waer die einzig Mayapyramide diraekt am Strand...

Palenque & Zinacantan

2007-06-13T11:14:00.001-07:00

All die Pyramide sind grad bim Dschungel zue.

I dere Pyramide haet me...

...die Tafle gfunde: igenwie verstaendlich dass gwuessi Luet sich daenke choent, dass d'Mayas mit Usserirdische Kontakt gha haend, wenn mer das Bild genau aluegt.

Zinacantan

Indigena-Frau am waebe nach alter Waebtechnik.

So gset e tradizionelli Hueratstracht bide Fraue idem Dorf us.. (-;

San Cristobal (Chiapas)

2007-05-27T13:55:00.000-07:00

San Cristobal (Chiapas)

Leider haemer no kae Fotene, will mer immer entweder kae akku oder d'Cam noed debii gha haend, so voll noed touri-style...
Das chline Staedtli isch vor ca. 13 Jahr vode Zapatiste ignoh worde mit em Ziel das Chiapas vo Mexico unabhaengig soeti werde, agfuert vom Subcommandante Marcos (Info's ueber Marcos -- http://de.wikipedia.org/wiki/Subcomandante_Marcos lohnt sich dri zluege). Jetzt isches aber scho wieder vom Militaer zruck eroberet worde.
Da ide noechi simmer au no ines chlises Doerfli gfahre (Chamula) wo sini alti Maya-Kultur bewahrt het, mer gseht de Luuet voll a das sie sich nid gross mit europaeischem Bluet gmischt hend und sie redet immerno die alti Maya-Sprach und fast kei spanisch. Ide Dorfchile haet sich Katholizismus mit alter Maya-Kultur gmischt. D'Luet opferet dete Huener oder bringet CocaCola-Flaeschene oder susch oepis, je nach dem fuer was sie baetet, als Opfer dar. Die einte trinket dezue no Alk. Es haet oepe 20 usgstellti Heiligi i Glasvitrine idere Chile, und fascht alli haend en Spiegel ide Hand, als Symbol, dass jede heilig sii chan und Gott i jedem steckt oder jede Gott isch.

60% vode Mexikaner sind sogenannti Mestize (Indios mit Spanier gmischt), 13-30 % sind rein indigener Abstammig, 9 % sind Europaer, meistens Spanier, und 1 % ehemaligi Sklave us Afrika. Vo de ganze Bevoelkerig (ca. 108 Mio.) redet 7.1 % indigeni Sprache, vodene redet 1 % kae Spanisch und 62 vodene alte Sprache sind als Nationalsprache anerkaennt. (!)

Oaxaca 2

2007-05-24T15:24:00.000-07:00

Monte Alban - Oaxaca

Wo vor ca. 3000 Jahr nur en Berg gstande isch, stoend jez uf flacher Ebeni riise Pyramidekomplex. D'Olmeke haend die ganz Bergspitze abtreit und ihri Taempel druf baut. D'Maensche gsend grad us wie Ameise naebetra.

Typisch Mexico (-: ueberall Kaktuss..

Ja die alte Kulture haend scho gwuesst was mit gwuesse Pflanze azfange isch... (-:

Wie de Stei haet mal die ganz Muur usgseh.

Oaxaca isch susch ae e voll charmanti, farbigi Stadt mit chli me Jugendkultur. Haet halt ae sehr vill Militaerpraesenz, will vor noed allzulanger ziit d'Lehrer vo Oaxaca fetti Demos gmacht haend, was vom Militaer brutal niedergschlage worde isch. Als Lehrer verhungeret mer fascht, waegem tuefe Lohn. Scho haert wemer taenkt, dass d'Lehrer doch fuer d'Zuekunft vom Land doch sehr wichtig sind.

Sind aemal amene Morge frue miteme Kater es Te Mezcal Ritual go mache, isch eigentlich wie e Sauna aber mit vielne feine Kraeuter im Wasser. Imne runde Ton-Ruum isch mer sich vorcho wie ide Muetter Erde drin. Hend au luutstark choene umeschreie, singe... (-;

Hey Paece, kaennsch das Bild nah? ;-)

Vom Usgang am hei laufe.

Usgang in Oaxaca, leider isch d'Helen nid so richtig druf ;-) Isch es geils Reggae-Ska Konzert gsi.

Oaxaca

2007-05-22T12:43:00.000-07:00

Da mal en chline Video vo Monte Alban, d'Fotis folged na!

San Jose

2007-05-18T11:22:00.001-07:00

Das verschlafene, vernaeblete San Jose uf 2800 m ueber Meer. Die extrem kurvigi Strass vom Meer doete ufe, het alli chinder im Bus zum kotze bracht. ;-) Ja will mer de nette Frau vom Bus-Terminal nid glaubt hend, hemaer mit viel glueck doch no en Platz im letsche Bus verwuetscht wo aber leider voll ueberfuellt gsi isch. De Eddi uf ere 3er-Sitzbank mit 3 andere (nid grad duenne) Mexicaner iklemmt und d'Helen mit emene kotztende Bueb uf de Chnue. ;-)
Das isch so ziemlich s'erste Gebaeude gsi wo mer verbi gloffe sind, das seit scho viel ueber s'Doerfli us. ;-) En Klick uf s'Bild duets vergroessere.
VW-Buusli und Kaefer ueberall. ;-)
Am Namittag isches immer voll verneblet, und am morge holt mer sich schnell mal en sunnebrand. Eigentlich chan mer in San Jose gar nued mache, aber sind trotzdem viel jungi Luuetlis bi de Doña Catalina gsi, que le encantan los ongos. ;-) Das chline huuesli vo ihre het sich bis uf Nicaragua umegsproche. Ja det hets schlussedlich meh luuet ka als in Mazunte und alli hend abgraucht.

Mazunte

2007-05-18T11:08:00.000-07:00

2007-05-12T20:35:00.000-07:00

Acapulco - Mazunte

Strasse in Acapulco, viele VW-Kaefer ;-)

Fotos aus einem nach frischer Baby-Scheisse stinkenden Bus

Wilde Wellen - Vorsicht Purzelbaum-Gefahr

Wir in Mexico am Strand mit indischem Beedy

Mehr Infos und laengere Texte folgen...

Video vom Strand - http://www.youtube.com/watch?v=MBK-6I1FkS8

Tepoztlan

2007-05-05T17:30:00.000-07:00